სიხარულით გაცნობებთ, რომ კომპანია მეიჯერელის, ახლა უკვე ტელეფერფორმანს საქართველოს (TP) თბილისის ენის აკადემიაში მონაწილეთა მიღება იწყება!
თუ გერმანულ ენას მინიმუმ A2, ან B1 დონეზე ფლობ და გსურს, საერთაშორისო კომპანიაში დასაქმდე, ეს შესაძლებლობა შენთვისაა — შემოგვიერთდი! პროექტის ფარგლებში, TP ენის აკადემიის თითოეული სტუდენტი გერმანული ენის ცოდნის დონეს 4 თვის განმავლობაში, გამოცდილ ტრენერებთან ერთად, სრულიად უფასოდ აიმაღლებს, კურსის წარმატებით დასრულების შემთხვევაში კი, კომპანია TP-ში დასაქმდება. შერჩეული კანდიდატები 4 თვის განმავლობაში, კვირაში 3-ჯერ, 3-3 საათის განმავლობაში, ტელეპერფორმანსის თბილისის ოფისში დაესწრებიან გერმანული ენის ტრენინგებს.
მნიშვნელოვანია, აღინიშნოს:
1 — საჭიროების შემთხვევაში კურსის ხანგრძლივობა შეიძლება გაიზარდოს;
2 — TP-ში სამუშაო განრიგი ცვლებადაა დაყოფილი, ამის შესახებ დეტალური ინფორმაცია შერჩევის პროცესისას მოგეწოდება.
მონაწილეების შერჩევის პროცესი 4 ეტაპისგან შედგება:
- სამოტივაციო წერილებისა და რეზიუმეების გადარჩევა;
- მოკლე სატელეფონო ინტერვიუ;
- გასაუბრება;
- საბაზისო კომპიუტერული უნარების შემოწმების ტესტი.
დაინტერესების შემთხვევაში, გთხოვთ, გაიარო რეგისტრაცია და ატვირთო შენი განაცხადი — CV და სამოტივაციო წერილი (სამოტივაციო წერილი უნდა იყოს წარმოდგენილი გერმანულ ენაზე და შედგებოდეს მინიმუმ 250 სიტყვისგან). სამოტივაციო წერილი უნდა პასუხობდეს შემდეგ შეკითხვებს:
- სად და რამდენი ხნის განმავლობაში სწავლობდი გერმანულს?
- გაქვს თუ არა შეხება გერმანულ ენასთან ამჟამად? თუ კი — რა სახის?
- რატომ გსურს TP აკადემიის გერმანული ენის კურსზე სწავლა?
- რამდენი ხნით განიხილავ TP საქართველოსთან თანამშრომლობას ენის კურსის დასრულების შემდეგ?
გთხოვთ, გაითვალისწინო, რომ სამოტივაციო წერილის გარეშე შენი კანდიდატურა არ განიხილება. განაცხადი არ ჩაითვლება სრულყოფილად, თუ შენი სამოტივაციო წერილი არ პასუხობს ზემოთ ჩამოთვლილ ყველა შეკითხვას. სამოტივაციო წერილის წერისას, დაუშვებელია ხელოვნური ინტელექტის გამოყენება, რადგან ტექსტი შენი ენის ცოდნის დონის სწორად განსასაზღვრად გვეხმარება.
თუ გაქვს ენის ცოდნის დამადასტურებელი სერტიფიკატი ან დოკუმენტი, გთხოვთ, დაურთო განაცხადს.
